कविता- रिंगण

संवेदनशील मन अन् तीक्ष्ण बुद्धी, अभिमान फार फार .....
सगळेच तर आहे ठीक, मग कळेना कुठे दुखतेय सुख?

स्वतंत्र विचाराचा ढिंढोरा, आयुष्य माझे माझ्या हातात......
सगळ्या आघाड्या लढेपर्यत, पाणी का आले डोळ्यांत?

मीच राणी झाशीची, दुर्गा अन् अन्नपुर्णा...
सुपरवुमन बनताना, ताठ ठेऊ किती कणा?

अंदाज हिचे परफेक्ट, प्रेझेंटेशन हिचे ऊत्तम्!
त्याच त्याच चक्रातील तीच तीच घुसमट?

बाईपणाच्या कर्तव्यासाठी करीनाने घेतलाय ब्रेक,
आकाश खुणावतेय म्हणुन ऐश्वर्याने केलाय कमबॅक!
काय करु, कुठे जाऊ, कसे भेदु हे कुंपण?

मीच तर आखलेय हे माझ्या भोवतीचे रिंगण!!!!!
                     
-- संजीवनी घळसासी