नवलकोलची कोशिंबीर

साहित्य  : 

कोवळे नवलकोल , ओले खोबरे , वाटलेली हिरवी मिरची, तिळाचे कूट,  दाण्याचे कूट, दही, दूध, आलं-लसूण पेस्ट, साखर, मीठ व फोडणीचे साहित्य.

कृती : 

प्रथम नवलकोल मधोमध आडवा कापून खवून घ्यावा (नारळाच्या वाटी प्रमाणे). खोवलेल्या नवलकोलमधील पाणी पिळून काढून टाकावे, म्हणजे त्याचा उग्र वास कमी होतो. त्यात ओले खोबरे, तीळकूट, दाण्याचे कूट, आलं-लसूण पेस्ट, दूध, दही, मीठ , साखर, घालून मिश्रण चांगले कालवून घेणे. वरून हिंग-जिऱ्याची फोडणी द्यावी.

संगीता कार्लेकर