Saturday, March 31, 2018

कट्टा - एप्रिल २०१८


नमस्कार रसिक हो,

या वर्षी नेहमीच्या पद्धतीपेक्षा काहीशा वेगळ्या मार्गानं जाऊन मित्रमंडळाने गुढीपाडव्याच्या निमित्ताने सुप्रसिद्ध संगीतकार व गायक माननीय श्री श्रीधर फडके यांचा गीत रामायण कार्यक्रम सादर केला. ५०० हून अधिक प्रेक्षकांच्या उपस्थितीत हा कार्यक्रम चांगलाच रंगला. त्याचा वृत्तांत तुम्हाला या अंकात वाचायला मिळेलच.

तोंडावर अालेला उन्हाळापरीक्षांचा काळ यामुळे यावयाच्या कट्ट्याच्या अंकाला रसिक लेखकांचा प्रतिसाद नेहमीपेक्षा काहीसा कमीच मिळाला. पण तरीही वेगवेगळ्या विषयांवरील लेख कथा कविता मुलाखत यांचा समावेश करून आम्ही अंकातील विविधता कायम ठेवण्याचा प्रयत्न केला आहे. वसंत ऋतु मधील रंगीबेरंगी फुलांनी आणि झाडांनी नटलेले बंगळुरू चित्रबद्ध केले आहे रश्मी साठे आणि वर्ष संगमनेरकर ह्यांनी, आणि ह्याच चित्रांनी ह्या वेळचे मुखपृष्ठ पण सजले आहे. 

या पुढचा अंक हा मुलांची सुट्टी असल्यामुळे कट्टा युवा विशेषांक असेल. त्याची माहिती आपणास लवकरच मिळेल. या अंकावरचा आपला प्रतिसाद आणि पुढच्या अंकांसाठी आपले साहित्य यांचे आमच्याकडे नेहमी प्रमाणे स्वागत आहेच.
धन्यवाद !

कट्टा समिती